Ghazal by janaab Ahmar kashipuri - dada ji
Farda hai ek fareb to maazi khyaal hai ...
us shakhs ke liye jo giraftar-e-haal hai..
tum jiski raf-ato ke qaseedah taraaz ho.
wo aadmi to ab bhi pareshan haal hai ..
puche jo koi mujhse to main kya jawaab du.
mera wajood apni jagaah khud sawaal hai.
pursaan haal gham he to teemardaar yaas.
beemar-e-zindagi ki badi dekh bhaal hai..
jis raah se junoon ba-sahulat guzar gaya.
us raah se khirad ka guzarna muhaal hai.
tanhaiyyo mai qaid hu "ahmar" to kya hua.
unka jamaal zeenat-e-bazm-e-khyaal hai ..
No comments:
Post a Comment