Aksar socha karta hun---------Mai hi sabse achha hun
Sabki sunta rehta hun---------Apne dil ki karta hun
Jinse matlab hota hai----------Unko apna kehta hun
Chhote rishtedaaro se---------Thodi doori rakhta hun
Unche naatedaaro se-----------Mai khud jaker milta hun
Jinpar rutba paisa ho-----------Unse yaari karta hun
Saathi hun mazloomo ka-------Zalim se bhi milta hun
Parwaale hai hairat me----------Itnaa uncha udhta hun
Haiwano si harkat hain----------Insaano sa dikhta hun
Rab se sabkuchh paya hai-------Phir bhi rota rehta hun
Saare rishte naate hain----------Lekin bilkul tanha hun
Sab achha ho jaayega-----------Ummido per zinda hun
Mai ASIF hun aisa hi------------Socho kya tum jaisa hun ?????
(dr asif husain)
No comments:
Post a Comment